Mae nofel gyntaf Llwyd Owen wedi cael ei disgrifio fel un o’r rhai mwya’ eithafol yn hanes llên Cymru, tra bod yr ail wedi ennill gwobr Llyfr y Flwyddyn eleni. Yr Ergyd Olaf, yw ei nofel ddiweddara’, sy’n plymio i ganol puteindai, gangiau a thrais yn ne Cymru…
Ddeng mlynedd yn ôl ymddangosodd un o ffotograffwyr mwyaf yr ugeinfed ganrif, Philip Jones Griffiths ar y rhaglen gyntaf o’r Sioe Gelf. Heno cawn gip olwg o’r noson arbennig gafodd ei chynnal yn y Galeri, Caernarfon yn ddiweddar i ddathlu gwaith pwerus y cyn-fferyllydd o Ruddlan.
Drama am fachgen sy’n dychwelyd i gymoedd y de ar ôl cyfnod yn Llundain yw Blink. Er bod elfen o hiwmor yn perthyn iddi, mae’n ymdrin â stori dywyll sydd wedi ei seilio ar fywydau go iawn.
Pob wythnos mae’r Sioe Gelf yn rhoi sylw i weithgareddau amryw o glybiau camera ar hyd a lled Cymru. Yr wythnos hon, cyfle aelodau Clwb Aberteifi fydd hi i arddangos eu doniau.